ရှမ်းပြည်နယ်(မြောက်ပိုင်း) လားရှိုးမြို့ အမှတ်(၁၂)ရပ်ကွက်ရှိ NISSAN ကားဝပ်ရှော့ပိုင်ရှင် ဦးကြည်လင်းနှင့် သားဖြစ်သူ ကိုမျိုးမင်းသန့်တို့ကဆိုလာစနစ်သုံး အပျော်တမ်း နှစ်ယောက်စီးမော်တော်ယာဉ်တစ်စီးကိုလားရှိုးနည်းပညာတက္ကသိုလ်ကျောင်းမှ သီဟကို၊စိုင်းမင်းဆက်၊မိုင်းသန်းမောင်၊သူရိန်မိုး၊ နိုင်လင်းအောင်၊စိုင်းမင်းပြည့်စုံ၊ဆန်းထွန်း၊VI BE စက်မှုအင်ဂျင်နီယာကျောင်းသားအဖွဲ့တို့ ပူပေါင်းပါဝင်တီထွင် ထုတ်လုပ်ရာ အောင်မြင်ကြောင်း သိရသည်။
အဆိုပါ မော်တော်ယာဉ်ကို ပုရွက်ဆိတ်ဟု အမျိုးအစား သတ်မှတ်ပြီး မော်တော်ယာဉ် အရွယ်အစားမှာ အလျား ၇ ပေ၊ အနံ ၂ ပေ ဆိုလာပြား နှစ်ချပ်နှင့် ဘက်ထရီငါးလုံး ရှိ၍ ရီမုဒ်ကွန်ထရိုးစနစ်ဖြင့် စက်နှိုးကာ ၇ မိုင်အထိ မောင်းနှင်နိုင်ကြောင်း သိရသည်။
”ကျွန်တော်တို့ ဒီမော်တော်ယာဉ်ကိုစတင်ပြုလုပ်တာ ၃ ပတ်အချိန်ယူပြီး ဆောင်ရွက်ခဲ့ပါတယ်။ ပစ္စည်းတန်ဖိုးနဲ့ လက်ခအပါအဝင် စုစုပေါင်း ၂၅ သိန်းခန့်ကုန်ကျပါတယ်။ ကျွန်တော်တို့မြို့တစ်ပတ်ကို စမ်းသပ်မောင်းနှင်တဲ့အခါ အောင်မြင်ပါတယ်။ လောလောဆယ်တော့ ကားအမျိုးအစားကို ပုရွက်ဆိတ်လို့ အမည်ပေးထားပါတယ်။
အပျော်တမ်း နှစ်ယောက်စီးယာဉ်ကို စမ်းသပ်ထုတ်တာပါ”ဟု ဆိုလာစနစ် မော်တော်ယာဉ်စွန့်ဦးတီထွင် ထုတ်လုပ်သူ ကိုမျိုးမင်းသန့်ကပြောသည်။ယခုလို ဆိုလာစနစ် မော်တော်ယာဉ်ကို ပြည်တွင်း၌ စွန့်ဦးတီထွင် အောင်မြင်စွာ ထုတ်လုပ်နိုင်ပါက စက်သုံးဆီလျှော့ချခြင်းဖြင့် အထောက်အကူ ပြုနိုင်မည်ဖြစ်ကြောင်း သိရသည်။
ပဉ္စမ မဏ္ဍိုင်
Comments
Post a Comment